Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06–ի N 119-Ն որոշման 1-ին կետով հաստատված կարգի 10-րդ և 11-րդ կետերի դրույթներով, հիմք ընդունելով Հայաստանի Հանրապետության Շիրակի մարզի Գյումրի համայնքի «Արշակ Բրուտյանի անվան թիվ 4 երաժշտական դպրոց» համայնքային ոչ առևտրային կազմակերպության (այսուհետ՝ կազմակերպություն) տնօրենի գրությունը՝ ողղված Գյումրի համայնքի ղեկավարին (Գյումրու համայնքապետարան մուտքագրված 2025 թվականի սեպտեմբերի 02-ին N 12871 թվագրությամբ), և համայնքապետարանի աշխատակազմի մշակույթի և երիտասարդության հարցերի բաժնի պետ Լ. Թովմասյանի զեկուցագիրը՝ ողղված Գյումրի համայնքի ղեկավարին (Գյումրու համայնքապետարան մուտքագրված 2025 թվականի սեպտեմբերի 03-ին Զ/1372-2025 թվագրությամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Կազմակերպությանը որպես նվիրատվություն հատկացնել 760 000 /յոթ հարյուր վաթսուն հազար/ Հայաստանի Հանրապետության դրամ՝ կազմակերպությանը կից գործող «Մանսուրյան աշակերտական կամերային նվագախմբի» համար թվով 4 նոր թավջութակների ձեռքբերման նպատակով։

2.Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնին սույն որոշման 1-ին կետում նշված ֆինանսական միջոցների հատկացումը կատարել Հայաստանի Հանրապետության Շիրակի մարզի Գյումրու համայնքի 2025 թվականի բյուջեի 8/1/1 գործառական դասակարգման (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածից՝ օրենքով սահմանված կարգով։

3. Սույն որոշումը ուժի մեջ է մտնում կազմակերպության տնօրենին պատշաճ իրազեկելու  օրվան հաջորդող օրվանից: