Գյումրիում փորձնական կարգով տեղադրվել են աղբամանների համար նախատեսված հատուկ աղբախցիկներ, որոնք նպատակ ունեն ապահովել քաղաքի մաքրությունն ու բարելավել աղբահանության գործընթացը։ Նոր համակարգը կնպաստի աղբամանների կարգավորված տեղադրմանը, կկանխի տարածքում աղբի կուտակումն ու անփութության հետևանքով առաջացած աղտոտումը։

Հարգելի՛  քաղաքացիներ,

Տեղեկացնում ենք, որ Բնության համաշխարհային հիմնադրամի (WWF) հայաստանյան մասնաճյուղի նախաձեռնությամբ իրականացվող աշխարհի ամենամեծ բնապահպանական շարժումը՝ «Երկրի ժամը», այս տարի  անցկացվելու է մարտի 22-ին, ժամը 20:30-21:30-ին։

Այն ոգեշնչում և միավորում է միլիոնավոր մարդկանց՝ Երկիր մոլորակի պահպանության համար լուծումներ գտնելու և միջոցներ ձեռնարկելու շուրջ։ Միջոցառմանը մասնակցում է ավելի քան 190 երկիր և 7000 քաղաք՝ մեկ ժամով անջատելով տվյալ երկրում խորհրդանիշ համարվող շենքերի, շինությունների, ինչպես նաև քաղաքների և բնակավայրերի հիմնական փողոցների լուսավորությունը։

Գյումրի համայնքի ղեկավարի պաշտոնակատար Սարիկ Մինասյանը հանդիպել է «Կինո Շիրակ» թաղամասի բնակիչների հետ և քննարկել բնակիչներին անհանգստացնող խնդիրները։ Սարիկ Մինասյանը նշել է, որ Կառավարության աջակցությամբ իրականացվելու է փողոցների հիմնանորոգում և վերակառուցում, ինչպես նաև կոյուղիների փոփոխություն։ Լուսավորության հետ կապված հարցերը ևս կլուծվեն։