Ղեկավարվելով «Տեղական ինքնակառավարման մասին» օրենքի 18-րդ հոդվածի 1–ին մասի 4-րդ և 25-րդ կետերով և Հայաստանի Հանրապետության վարչապետի 2024 թվականի հունվարի 24-ի N 71-Ա որոշման 1-ին կետով հաստատված ժամանակացույցի 3-րդ կետի դրույթներով Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Տալ համաձայնություն` Հայաստանի Հանրապետության Շիրակի մարզի Գյումրի համայնքի բնապահպանական հարկ վճարվող թվով 3 ընկերությունների կողմից վճարված բնապահպանական հարկից մասհանվող գումարներով «Գյումրի համայնքում ծառատնկման աշխատանքներ իրականացնելու նպատակով ծառերի ձեռքբերում» բնապահպանական ծրագրին՝ համաձայն հավելվածի։
2. Սահմանել, որ
1) ծրագրի ընդհանուր արժեքը կազմում է 8792000 (ութ միլիոն յոթ հարյուրիննսուներկու հազար) Հայաստանի Հանրապետության դրամ,
2) ծրագրի իրականացման հետ առնչվող այլ փաստաթղթերի ստորագրումը, դրանցից բխող գործառույթների կազմակերպումն իրականացնում է Հայաստանի Հանրապետության Շիրակի մարզի Գյումրի համայնքի ղեկավարը։
3. Սույն որոշումն ուժի մեջ է մտնում հրապարակմանը հաջորդող օրվանից։