Ղեկավարվելով՝ «Տեղական ինքնակառավարման մասին» օրենքի 18-րդ հոդվածի 1-ին կետի 42-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Ն որոշման 1-ին կետով հաստատված կարգի 3-րդ կետով, հաշվի առնելով Գյումրի համայնքում Ամանորի և Սուրբ Ծննդյան տոներին ընդառաջ տոնական միջոցառումների կազմակերպման, համայնքի հանրային տարածքների տոնական ձևավորման և բնակիչների համար տոնական միջավայրի ապահովման անհրաժեշտությունը՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1 Հատկացնել 37 350 000 (երեսունյոթ միլիոն երեք հարյուր հիսուն հազար) Հայաստանի Հանրապետության դրամ, Գյումրի համայնքի Վարդանանց հրապարակում տեղադրվող ամանորյա տոնածառի, ինչպես նաև համայնքի փողոցների տոնական ձևավորման նպատակով նոր զարդարանքների ձեռքբերման և առկա զարդարանքների վերանորոգման աշխատանքների իրականացման համար։
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2026 թվականի բյուջեի 6/6/1 գործառական դասակարգման (5129) «Այլ մեքենաներ և սարքավորումներ» տնտեսագիտական դասակարգման հոդվածից ՝ 31 350 000 (երեսունմեկ միլիոն երեք հարյուր հիսուն հազար) Հայաստանի Հանրապետության դրամ և (4239) «Ընդհանուր բնույթի այլ ծառայություններ» տնտեսագիտական դասակարգման հոդվածից՝ 6 000 000 (վեց միլիոն) Հայաստանի Հանրապետության դրամ՝ օրենքով սահմանված կարգով:
3. Սույն որոշումն ուժի մեջ է մտնում հրապարակմանը հաջորդող օրվանից: |