«Հայկական Կարիտաս» բարեսիրական հասարակական կազմակերպությունն իրականացնում է «Տաք ձմեռ» ծրագիրը, որը նպաստում է տարեցների առողջության պահպանմանը՝ ձմռան ամիսներին հոգալով նրանց բնակարանների ջեռուցման խնդիրները: Նկատի ունենալով վերոգրյալը, ղեկավարվելով «Տեղական ինքնակառավարման մասին» օրենքի 10-րդ հոդվածի 11-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017թվականի նոյեմբերի 06-ի N 119-Նորոշման 1-ին կետով հաստատված կարգի 10-րդ և 11-րդ կետի դրույթներով և հիմք ընդունելով «Հայկական Կարիտաս» բարեսիրական հասարակական կազմակերպության (այսուհետ՝ կազմակերպություն) գործադիր տնօրեն Գագիկ Տարասյանի Հայաստանի Հանրապետության Շիրակի մարզի Գյումրի համայնքի ղեկավարին ուղղված գրությունները (Գյումրու համայնքաապետարանում համապատասխանաբար մուտքագրված` 2025 թվականի հոկտեմբերի 14-ին և 29ին NN 15894,16711 թվագրություններով)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Կազմակերպությանը որպես նվիրատվություն հատկացնել 1 038 000 (մեկ միլիոն երեսունութ հազար) Հայաստանի Հանրապետության դրամ` 2025-2026 թվականների ձմռան ընթացքում համայնքի թվով 346 (երեք հարյուր քառասուվեց) կարիքավոր ծերերի ջեռուցման կարիքները հոգալու նպատակով:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2025թվականի բյուջեի 10/7/1 գործառական դասակարգման (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածից` օրենքով սահմանված կարգով:
3. Սույն որոշումն ուժի մեջ է մտնում կազմակերպության գործադիր տնօրեն Գագիկ Տարասյանին պատշաճ իրազեկելու օրվան հաջորդող օրվանից: |