Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հայաստանի Հանրապետության Շիրակի մարզի Գյումրի համայնքի սեփականություն հանդիսացող, (անշարժ գույքի սեփականության իրավունքի գրանցման վկայական 1997215 ) Գորկու (Հ.Շիրազի) փողոց N 17 հասցեի 37,62 (երեսունյոթ ամբողջ վաթսուներկու հարյուրերորդական) քառակուսի մետր մակերեսով անշարժ գույքը (կիսանկուղ) մրցութով՝ 10 (տասը) տարի ժամկետով, տրամադրել վարձակալության՝ սպասարկման սրահ կազմակերպելու նպատակով:
2. Հիմք ընդունելով «Ա.Գ. Էսթեյթ» սահմանափակ պատասխանատվությամբ ընկերության սույն որոշման 1-ին կետում նշված գույքի շուկայական վարձավճարի արժեքի գնահատման վերաբերյալ հաշվետվությունը՝ մրցույթի մեկնարկային վարձավճարի չափ սահմանել տարեկան՝ 500000 (հինգ հարյուր հազար) Հայաստանի Հանրապետության դրամ: |