Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 22-րդ կետով և Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 4-րդ և 8-րդ կետերով, Հայաստանի Հանրապետության Շիրակի մարզի Գյումրի համայնքի ավագանու 2016 թվականի նոյեմբերի 10-ի N 171-Ն որոշման 1-ին կետով հաստատված հավելվածի 12-րդ կետի 33-րդ ենթակետով, հաշվի առնելով «Տ-ՄԵԴ» փակ բաժնետիրական ընկերության գլխավոր տնօրեն Գ.Թառլամազյանի՝ Գյումրի համայնքի ղեկավարին ուղղված 2024 թվականի ապրիլի 03–ի N 6247 գրությունը` Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Հայաստանի Հանրապետության Շիրակի մարզի Գյումրի քաղաքի Ռուսթավելի փողոց N5 հասցեի պուրակը անվանակոչել՝ Վլադիլեն Բալյանի անվան պուրակ։
2.Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի քաղաքաշինության և ճարտարապետության բաժնի պետի ծառայողական պարտականությունները կատարողին՝
1) իրականացնել անհրաժեշտ գործողություններ՝ կապված պուրակի անվանակոչման հետ, այդ թվում նաև անվանատախտակի նախագծման, պատրաստման և տեղադրման աշխատանքները,
2) սույն որոշումն օրինական ուժի մեջ մտնելուց հետո օրենքով սահմանված կարգով ներկայացնել աշխարհագրական անվանումների ռեգիստր վարող պետական լիազոր մարմնին՝ անվանակոչման պետական գրանցում իրականացնելու համար:
3.Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ ապահովել անվանատախտակի նախագծման, պատրաստման և տեղադրման համար անհրաժեշտ վճարումը՝ համաձայն ներկայացվող ակտերի:
4.Սույն որոշումն ուժի մեջ է մտնում հրապարակմանը հաջորդ օրվանից: |