Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման 1-ին կետով հաստատված հավելվածի 28-րդ կետով, հիմք ընդունելով «Բի Էյ Վի» սահմանափակ պատասխանատվությամբ ընկերության նախաձեռնությամբ Հայաստանի Հանրապետության Շիրակի մարզի Գյումրու համայնքապետարանում 2024 թվականի սեպտեմբերի 20-ին կայացած Հայաստանի Հանրապետության Շիրակի մարզի Գյումրի քաղաքի N 51/7 հասցեի հողամասում զուգարանի թղթի, խոնավ և չոր անձեռոցիկի արտադրամասի կառուցման վերաբերյալ հանրային բաց լսման և քննարկման արձանագրությունը և հիմք ընդունելով «Բի Էյ Վի» սահմանափակ պատասխանատվությամբ ընկերության տնօրեն՝ Վ.Բագարյանի (այսուհետ՝ տնօրեն) 2024 թվականի օգոստոսի 05-ին ներկայացրած գրությունը (համայնքապետարանում մուտքագրված 2024 թվականի օգոստոսի 07-ին N 13298 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում Է.
1. Տալ նախնական համաձայնություն «Բի Էյ Վի» սահմանափակ պատասխանատվությամբ ընկերությանը Հայաստանի Հանրապետության Շիրակի մարզի Գյումրի քաղաքի Երկաթուղայինների N 51/7 հասցեի հողամասում զուգարանի թղթի, խոնավ և չոր անձեռոցիկի արտադրամասի կառուցմանը:
2. Սույն որոշումն ուժի մեջ է մտնում հրապարակման օրվան հաջորդող օրվանից: |