Զեկ. ՇՈՂԻԿ ԱԼԵՔՍԱՆՅԱՆ

Հիմք ընդունելով Հայաստանի Հանրապետության կառավարության 2021 թվականի ապրիլի 8-ի «Նախադպրոցական ուսումնական հաստատության օրինակելի կանոնադրությունը հաստատելու մասին» 515–Ն որոշման 1–ին կետով հաստատված հավելվածը, ղեկավարվելով «Տեղական ինքնակառավարման մասին» օրենքի 18–րդ հոդվածի 1–ին մասի 22–րդ և 28–րդ կետերով, «Նորմատիվ իրավական ակտերի մասին» օրենքի 33–րդ հոդվածի 1–ին մասի 1-ին, 3–րդ կետերով, 34–րդ հոդվածի 1–ին և 2–րդ մասերով և հիմք ընդունելով Հայաստանի Հանրապետության Շիրակի մարզի Գյումրի համայնքի «Հուսո առագաստ մանկապարտեզ», «Երազանք մանկապարտեզ» համայնքային ոչ առևտրային կազմակերպությունների տնօրենների դիմումները (Գյումրու համայնքապետարանում գրանցված համապատասխանաբար 5608 և 5624 թվագրմամբ) ուղղված Գյումրի համայնքի ղեկավարին՝ Հայաստանի Հանրապետության Շիրակի մարզի Գյումրի համայնքի ավագանին որոշում է․
1. Հայաստանի Հանրապետության Շիրակի մարզի Գյումրի համայնքի «Հուսո առագաստ մանկապարտեզ», «Երազանք մանկապարտեզ» համայնքային ոչ առևտրային կազմակերպությունները անվանափոխել համապատասխանաբար «Հուսո առագաստ–մսուր մանկապարտեզ», «Երազանք–մսուր մանկապարտեզ» համայնքային ոչ առևտրային կազմակերպությունների (այսուհետ՝ կազմակերպություն)։
2. Հայաստանի Հանրապետության Շիրակի մարզի Գյումրի համայնքի ավագանու 2021 թվականի դեկտեմբերի 3–ի «Հայաստանի Հանրապետության Շիրակի մարզի Գյումրի համայնքի նախադպրոցական համայնքային ոչ առևտրային թվով 22 (քսաներկու) կազմակերպությունների կանոնադրությունները նոր խմբագրությամբ հաստատելու մասին» N 267–Ա որոշման (այսուհետ՝ որոշում) 1–ին կետում կատարել հետևյալ փոփոխությունները.
1) «Հուսո առագաստ մանկապարտեզ» բառերը փոխարինել «Հուսո առագաստ–մսուր մանկապարտեզ» բառերով,
2) «Երազանք մանկապարտեզ» բառերը փոխարինել «Երազանք – մսուր մանկապարտեզ» բառերով:
3. Որոշմամբ հաստատված N6, N10 հավելվածները շարադրել նոր խմբագրությամբ՝ համաձայն N1, N2 հավելվածների։
4. Հանձնարարել կազմակերպությունների տնօրեններին․
1) ողջամիտ ժամկետում դիմել Հայաստանի Հանրապետության Արդարադատության նախարարության աշխատակազմի իրավաբանական անձանց պետական ռեգիստրի գործակալություն՝ սույն որոշման 3–րդ կետով հաստատված կանոնադրությունները օրենքով սահմանված կարգով պետական գրանցում կատարելու խնդրանքով:
5. Սույն որոշումն ուժի մեջ է մտնում կազմակերպությունների տնօրեններին պատշաճ իրազեկելու օրվան հաջորդող օրվանից։