Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N-119-Ն որոշման 1-ին կետով հաստատված կարգի 10-րդ և 11-րդ կետերի դրույթներով և «Ս.Դ Մերկուրովի անվան նկարչական դպրոց», «Մարմնամարզական մարզաձևերի մանկապատանեկան մարզադպրոց», «Շախմատի մանկապատանեկան մարզադպրոց» և «Ջրային մարզաձևերի մանկապատանեկան մարզադպրոց» համայնքային ոչ առևտրային կազմակերպությունների (այսուհետ՝ կազմակերպություններ) գրություններն՝ ուղղված համայնքի ղեկավարին (Գյումրու համայնքապետարան մուտքագրված` 2026 թվականի հունիսի 10-ին N 8417, հունիսի 17-ին N 8978, մայիսի 05-ին N 6358 և հուլիսի 10-ի N 12523 թվագրություններով). Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Կազմակերպություններին ընթացիք վերանորոգման նպատակով հատուկ նպատակային նյութերի ձեռքբերման համար որպես ընթացիկ դրամաշնորհներ հատկացնել 1 861 100 (մեկ միլիոն ութ հարյուր վաթսունմեկ հազար մեկ հարյուր) Հայաստանի Հանրապետության դրամ՝ համաձայն հավելվածի:
2. Հանձնարարել Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին սույն որոշման 1-ին կետում նշված գումարների հատկացումը կատարել Հայաստանի Հանրապետության Շիրակի մարզի Գյումրի համայնքի 2026 թվականի 8/2/3 և 8/1/1 գործառական (4637) «Ընթացիկ դրամաշնորհներ պետական և համայնքայնքների ոչ առևտրային կազմակերպություններին» տնտեսագիտական դասակարգման հոդվածից` օրենքով սահմանված կարգով՝ համաձայն հավելվածի:
3.Սույն որոշումն ուժի մեջ է մտնում կազմակերպությունների տնօրեններին պատշաճ իրազեկելու օրվան հաջորդող օրվանից: