2025թվականի հուլիսի 20-ին Երևան քաղաքում Զուբեյդա Հովհաննիսյանի որդին՝ Սամվել Էդգարի Սահակյանը մասնակցել է Ռոբոտների Համաշխարհային օլիմպիադիայի 2025 թվականի ազգային փուլին և վերադարձել է հաղթանակով: Սեպտեմբերի 2-ին Սլովենիայում կայանալիք Ռոբոտների համաշխարհային օլիմպիադիայի 2025թվականի բաց մրցաշարին Սամվել Էդգարի Սահակյանի մասնակցություն ապահովելու համար, Զուբեյդա Հովհաննիսյանին  դրամական օգնություն տրամադրելու անհրաժեշտություն կա:
Ելնելով վերոգրյալից, ղեկավարվելով «Տեղական ինքնակառավարման մասին» օրենքի 10-րդ հոդվածի 11-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Ն որոշման 1-ին կետով հաստատված կարգի 7-րդ կետի 1-ին ենթակետով և հիմք ընդունելով Գյումրի համայնքի բնակիչ Զուբեյդա Հովհաննիսյանի՝ Հայաստանի Հանրապետության Շիրակի մարզի Գյումրի համայնքի ղեկավարին ուղղված դիմումը՝ (համայնքապետարանում մուտքագրված 2025 թվականի հուլիսի 29-ին N 10608 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1.  Զուբեյդա Հովհաննիսյանին որպես դրամական օգնություն հատկացնել 300 000 (երեք հարյուր հազար) Հայաստանի Հանրապետության դրամ՝ Ռոբոտների համաշխարհային օլիմպիադիայի 2025 թվականի բաց մրցաշարին Սամվել Էդգարի Սահակյանի մասնակցությունն ապահովելու համար:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ- գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2025 թվականի բյուջեի 10/7/1 գործառական դասակարգման (4729) «Այլ նպաստներ բյուջեից» տնտեսագիտական դասակարգման հոդվածից` օրենքով սահմանված կարգով:
3 Սույն որոշումն ուժի մեջ է մտնում Զուբեյդա Հովհաննիսյանին պատշաճ իրազեկելու օրվան հաջորդող օրվանից: