Ելնելով հաշմանդամություն ունեցող անձանց անվտանգ տեղաշարժվելուն օժանդակելու անհրաժեշտությունից՝ ղեկավարվելով «Տեղական ինքնակառավարման մասին» օրենքի 10-րդ հոդվածի 10-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Ն որոշման 1-ին կետով հաստատված կարգի 10-րդ և 11-րդ կետերի դրույթներով և հիմք ընդունելով հաշմանդամություն ունեցող անձանց «Արմինե» կրթամշակութային հասարակական կազմակերպության (այսուհետ՝ կազմակերպություն) նախագահ Արմենուհի Նիկողոսյանի՝ Հայաստանի Հանրապետության Շիրակի մարզի Գյումրի համայնքի ղեկավարին ուղղված դիմումը (համայնքապետարանում մուտքագրված՝ 2026 թվականի հունվարի 07-ին N 54 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Կազմակերպությանը որպես նվիրատվություն 2026 թվականի համար հատկացնել 360 000 (երեք հարյուր վաթսուն հազար) Հայաստանի Հանրապետության դրամ` 2026 թվականի հունվար ամսից մինչև դեկտեմբեր ամիսը յուրաքանչյուր ամիս հատկացնելով 30 000 (երեսուն հազար) Հայաստանի Հանրապետության դրամ:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2026 թվականի բյուջեի 8/4/2 գործառական դասակարգման (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածից` օրենքով սահմանված կարգով:
3. Սույն որոշումն ուժի մեջ է մտնում կազմակերպություն նախագահ Արմենուհի Նիկողոսյանին պատշաճ կարգով իրազեկելու օրվան հաջորդող օրվանից: