Ղեկավարվելով «Նորմատիվ իրավական ակտերի մասին» օրենքի 33-րդ հոդվածի 1-ին մասի 3-րդ կետի, 3-րդ մասի, 34-րդ հոդվածի 1-ին և 2-րդ մասերի դրույթներով՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հայաստանի Հանրապետության Շիրակի մարզի Գյումրի համայնքի ավագանու 2013 թվականի հունիսի 18-ի «Հայաստանի Հանրապետության Շիրակի մարզի Գյումրի համայնքի վարչական տարածքում ավտոկայանատեղեր կազմակերպելու մասին» N 72-Ա որոշման (այսուհետ` որոշում) մեջ կատարել հետևյալ փոփոխությունները և լրացումները.
1) որոշման նախաբանում «Ավտոտրանսպորտային միջոցների կայանատեղերի տեղական տուրքի մասին» բառերը փոխարինել «Ավտոտրանսպորտային միջոցների կայանատեղերի տեղական վճարի և վարչական վարույթի առանձնահատկությունների մասին» բառերով,
2) որոշման 4-րդ կետը շարադրել հետևյալ նոր խմբագրությամբ․
« 4․ Ավտոկայանատեղերի գործունեությունը կազմակերպվում է Գյումրի համայնքի ղեկավարի կամ Գյումրի համայնքի ենթակայության կազմակերպության կողմից:
1) Ավտոկայանատեղ կազմակերպելու իրավասությունը կարող է վերապահվել նաև «Գնումների մասին» Հայաստանի Հանրապետության օրենքով սահմանված կարգով իրականացված մրցույթի արդյունքում հաղթող ճանաչված ֆիզիկական և իրավաբանական անձանց, որոնք գանձում են տուրք` Գյումրու քաղաքապետի հետ կնքված պայմանագրին համապատասխան: »
3) որոշման 5-րդ կետում «Ավտոտրանսպորտային միջոցների կայանատեղերի տեղական տուրքի մասին» բառերը փոխարինել «Ավտոտրանսպորտային միջոցների կայանատեղերի տեղական վճարի և վարչական վարույթի առանձնահատկությունների մասին» բառերով,
4) ամբողջ որոշման մեջ «տուրք» բառը և դրա հոլովաձևերը փոխարինել «վճար» բառով և դրա հոլովաձևերով,
5) որոշման նախաբանում «ղեկավարվելով» բառից հետո լրացնել ««Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի» բառերը,
6) որոշման 1-ին կետով հաստատված հավելվածը (այսուհետ` հավելված) լրացնել հետևյալ բովանդակությամբ նոր 28-րդ և 29-րդ կետերով.
«28. Վարդանանց հրապարակ
29․ Խրիմյան Հայրիկ փողոց, ՊԵԿ հյուսիսային մաքսատուն-վարչության հարևանությամբ »:
2. Սույն որոշումն ուժի մեջ է մտնում հրապարակմանը հաջորդող օրվանից: |