Զեկ. ՀԵՆՐԻԿ ԳԱՍՊԱՐՅԱՆ

Գյումրի քաղաքի Չերազի փողոց № 2 հասցեով հանրային բնակելի ֆոնդի տունը նվիրատրվել է քաղաքացիներ Վարդան Վարանցովի Կարապետյանին, Սուսաննա Ստեփանիկի Կարապետյանին, Անի Վարդանի Կարապետյանին, Լիանա Վարդանի Կարապետյանին, Աննա Վարդանի Կարապետյանին, Գայանե Վարդանի Կարապետյանին և Արմինե Վարդանի Կարապետյանին (հիմք` Գյումրի համայնքի ղեկավարի 1997 թվականի օգոստոսի 30-ի N 630-Ա որոշում):
Քաղաքացի Սուսաննա Կարապետյանը դիմել է Գյումրի համայնքի ղեկավարին նշված բնակելի տան պահպանման և սպասարկման համար, փաստացի զբաղեցրած 266.64 (երկու հարյուր վաթսունվեց ամբողջ վաթսունչորս հարյուրերորդական) քառակուսի մետր մակերեսով համայնքապատկան հողամասը ուղղակի վաճառքի միջոցով իրենց օտարելու խնդրանքով:
Նկատի ունենալով, որ օտարվող հողամասը որպես առանձին գույքային միավոր հնարավոր չէ օտարել աճուրդային կարգով, չեն գտնվում Հողային օրենսգրքի 60-րդ հոդվածով սահմանված հողերի ցանկում, ղեկավարվելով «Տեղական ինքնակառավարման մասին» օրենքի 18 հոդվածի 1-ին մասի 21-րդ կետով, hողային օրենսգրքի 66-րդ հոդվածի 1-ին մասի 1-ին կետով և 2-րդ մասով և հիմք ընդունելով քաղաքացի Սուսաննա Կարապետյանի դիմումը` (մուտքագրված համայնքապետարանում 2024 թվականի փետրվարի 02-ին № 2496 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Քաղաքացիներ Վարդան Վարանցովի Կարապետյանին, Սուսաննա Ստեփանիկի Կարապետյանին, Անի Վարդանի Կարապետյանին, Լիանա Վարդանի Կարապետյանին, Աննա Վարդանի Կարապետյանին, Գայանե Վարդանի Կարապետյանին և Արմինե Վարդանի Կարապետյանին ուղղակի վաճառքի միջոցով օտարել որպես ընդհանուր բաժնային սեփականություն իրենց նվիրատրված Չերազի փողոց № 2 հասցեով հանրային բնակելի ֆոնդի տան պահպանման և սպասարկման համար փաստացի զբաղեցրած 266.64 (երկու հարյուր վաթսունվեց ամբողջ վաթսունչորս հարյուրերորդական) քառակուսի մետր մակերեսով համայնքապատկան հողամասը` համաձայն կից տրվող հատակագծային ուրվանկարի:
2. Օտարվող հողամասերի ուղղակի վաճառքի գին սահմանել տվյալ հողամասի կադաստրային արժեքով, որը հողամասի օտարման պահին կազմում է 10514 (տասը հազար հինգ հարյուր տասնչորս) Հայաստանի Հանրապետության դրամ` 1.0 (մեկ) քառակուսի մետրի դիմաց, ընդամենը` 2803452 (երկու միլիոն ութ հարյուր երեք հազար չորս հարյուր հիսուներկու) Հայաստանի Հանրապետության դրամ։
3. Սույն որոշումն ուժի մեջ է մտնում քաղաքացի Սուսաննա Ստեփանիկի Կարապետյանին պատշաճ իրազեկելու օրվան հաջորդող օրվանից։