Համազգային հայ կրթական և մշակութային հիմնադրամ (այսուհետ՝ Հիմնադրամ) Գյումրու գրասենյակի նախաձեռնությամբ Գյումրիում կայանալու է «ԵՐԳՈՂ ԱՐՑԱԽ» երգչախումբի համերգը: Համազգային հայ կրթական և մշակութային հիմնադրամի Գյումրու գրասենյակի տնօրեն՝ Արա Նախշքարյանը դիմել է Գյումրի համայնքի ղեկավարին՝ երգչախմբի տեղափոխման և տրանսպորտային ծախսերը հոգալու համար դրամական աջակցություն տրամադրելու խնդրանքով: Նկատի ունենալով վերոգրյալը, ղեկավարվելով «Տեղական ինքնակառավարման մասին» օրենքի 10-րդ հոդվածի 11-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017թվականի նոյեմբերի 06-ի N 119-Ն որոշման 1-ին կետով հաստատված կարգի 4-րդ կետի 5-րդ ենթակետի «գ» պարբերության և 10-րդ կետի դրույթներով հիմք ընդունելով Հիմնադրամի Գյումրու գրասենյակի պատասխանատու-տնօրեն Արա Նախշքարյանի գրությունը (Գյումրու համայնքաապետարանում մուտքագրված` 2025 թվականի օգոստոսի 06 -ին N 11137 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հիմնադրամին հատկացնել 100 000 (մեկ հարյուր հազար) Հայաստանի Հանրապետության դրամ` սեպտեմբերի 7-ին Գյումրիում կայանալիք «ԵՐԳՈՂ ԱՐՑԱԽ» երգչախմբի տեղափոխման, տրանսպորտի ծախսերը հոգալու նպատակով:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2025 թվականի բյուջեի 8/4/2 գործառական դասակարգման (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածից` օրենքով սահմանված կարգով:
3.Սույն որոշումն ուժի մեջ է մտնում Հիմնադրամի Գյումրու գրասենյակի պատասխանատու-տնօրեն Արա Նախշքարյանին պատշաճ իրազեկելու օրվան հաջորդող օրվանից: |