Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N-119-Ն որոշման 1-ին կետով հաստատված կարգի 10-րդ և 11-րդ կետերի դրույթներով, հիմք ընդունելով Հայաստանի Հանրապետության Շիրակի մարզի Գյումրի համայնքի «Արմեն Տիգրանյանի անվան թիվ 3 երաժշտական դպրոց», «Տիգրան Պետրոսյանի անվան Շախմատի մանկապատանեկան մարզադպրոց», «Շախմատի մանկապատանեկան մարզադպրոց», «Արամ Սարգսյանի անվան խաղերի մանկապատանեկան մարզադպրոց», «Նանուլիկ-մսուր մանկապարտեզ», «Շերամի անվան թիվ 5 երաժշտական դպրոց» համայնքային ոչ առևտրային կազմակերպությունների (այսուհետ` կազմակերպություններ) տնօրենների գրությունները՝ ուղղված Գյումրի համայնքի ղեկավարին (Գյումրու համայնքապետարան մուտքագրված` 2024 թ. հոկտեմբերի 03-ին N 16777, N 16778, սեպտեմբերի 25-ի N 16227, սեպտեմբերի 30-ի N 16519, սեպտեմբերի 26-ի N 16355, հոկտեմբերի 01-ին N 16555, հոկտեմբերի 02-ին N 16666 թվագրություններով)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Կազմակերպություններին գույքի՝ գրասենյակային,տեսահսկող սարքերի և շինարարական նյութերի ձեռքբերման համար, որպես նվիրատվություն հատկացնել 6 197 940 (վեց միլիոն հարյուր իննսունյոթ հազար ինը հարյուր քառասուն) Հայաստանի Հանրապետության դրամ` համաձայն հավելվածի:
2.Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին սույն որոշման 1-ին կետում նշված գումարների հատկացումը կատարել Հայաստանի Հանրապետության Շիրակի մարզի Գյումրի համայնքի 2024 թվականի բյուջեի (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածի օրենքով սահմանված կարգով:
3. Սույն որոշումն ուժի մեջ է մտնում կազմակերպությունների տնօրեններին պատշաճ իրազեկելու օրվան հաջորդող օրվանից: |