Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի դրույթներով, հաշվի առնելով Հայաստանի Հանրապետության Շիրակի մարզի «Գյումրու Ավտոբուս» փակ բաժնետիրական ընկերության տնօրենի ժամանակավոր պաշտոնակատար Հ.Աղայանի գրությունը (մուտքագրված համայնքապետարանում 2025 թվականի հունիսի 06-ին N 7439 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի համայնքի սեփականություն հանդիսացող (հիմք՝ անշարժ գույքի նկատմամբ իրավունքների պետական գրանցման վկայական N 14042021-08-0032) Ղանդիլյան փողոց N 5/4 հասցեի 3617,49 (երեք հազար վեց հարյուր տասնյոթ ամբողջ քառասունինը հարյուրերորդական) քառակուսի մետր ընդհանուր մակերեսով անշարժ գույքը և դրա պահպանման ու սպասարկման համար զբաղեցված արդյունաբերության, ընդերքօգտագործման և այլ արտադրական նշանակության հողերի արդյունաբերական օբյեկտների գործառնական նշանակության 0,834831 (զրո ամբողջ ութ հարյուր երեսունչորս հազար ութ հարյուր երեսունմեկ միլիոներորդական) հեկտար մակերեսով հողամասը 10 (տասը) տարի ժամկետով անհատույց օգտագործման տրամադրել «Գյումրու Ավտոբուս» փակ բաժնետիրական ընկերությանը, ընկերության գործունեության կազմակերպման նպատակով:

2. Սույն որոշումն ուժի մեջ է մտնում «Գյումրու Ավտոբուս» փակ բաժնետիրական ընկերության տնօրենին  պատշաճ իրազեկելու օրվան հաջորդող օրվանից: