Հայաստանի Հանրապետության Շիրակի մարզի Գյումրի քաղաքի Դուդկոյի փողոցի N 8/2 հասցեի 60.0 (վաթսուն) քառակուսի մետր մակերեսով հողամասով ավտոտեխսպասարկման արհեստանոցը սեփականության իրավունքով պատկանում է քաղաքացի Վահրամ Արշակի Աղաբաբյանին (հիմք` անշարժ գույքի նկատմամբ իրավունքների պետական գրանցման N 09072020-08-0016 վկայական): Քաղաքացի Վահրամ Արշակի Աղաբաբյանը դիմել է Հայաստանի Հանրապետության Շիրակի մարզի Գյումրի համայնքի ղեկավարին՝ Հայաստանի Հանրապետության Շիրակի մարզի Գյումրի համայնքին սեփականության իրավունքով պատկանող (հիմք` անշարժ գույքի նկատմամբ իրավունքների պետական գրանցման N 31052024-08-0027 վկայական) Հայաստանի Հանրապետության Շիրակի մարզի Գյումրի քաղաքի Դուդկոյի փողոցի N 8/1 հասցեի 22.5 (քսաներկու ամբողջ հինգ տասնորդական) քառակուսի մետր մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասն ուղղակի վաճառքի միջոցով իրեն օտարելու խնդրանքով: Նկատի ունենալով, որ հողամասը որպես առանձին գույքային միավոր հնարավոր չէ օտարել աճուրդով, հաշվի առնելով օտարվող հողամասին հարակից գույքերի սեփականատերերի կողմից տրված գրավոր համաձայնությունները, համաձայն Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ, 4-րդ, 5-րդ և 6-րդ ենթակետերի դրույթների, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հողային օրենսգրքի 63-րդ հոդվածի 2-րդ մասի 2-րդ կետով, 66-րդ հոդվածի 1-ին մասի 8-րդ կետով և հիմք ընդունելով քաղաքացի Վահրամ Արշակի Աղաբաբյանի դիմումը (մուտքագրված համայնքապետարանում 2021 թվականի նոյեմբերի 09-ին N 19680 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Քաղաքացի Վահրամ Արշակի Աղաբաբյանին ուղղակի վաճառքի միջոցով օտարել սեփականության իրավունքով իրեն պատկանող Հայաստանի Հանրապետության Շիրակի մարզի Գյումրի քաղաքի Դուդկոյի փողոցի N 8/2 հասցեի 60.0 (վաթսուն) քառակուսի մետր մակերեսով հողամասով ավտոտեխսպասարկման արհեստանոցին հարակից, Դուդկոյի փողոցի N 8/1 հասցեի համայնքի սեփականություն հանդիսացող, կառուցապատումից ազատ, բնակավայրերի նպատակային նշանակության հասարակական կառուցապատման գործառնական նշանակության 22.5 (քսաներկու ամբողջ հինգ տասնորդական) քառակուսի մետր մակերեսով հողամասը՝ ավտոտեխսպասարկման արհեստանոցի ընդլայնման նպատակով:
2. Օտարվող հողամասի ուղղակի վաճառքի գին սահմանել տվյալ հողամասի կադաստրային արժեքով, որը հողամասի օտարման պահին կազմում է 2888 (երկու հազար ութ հարյուր ութսունութ) Հայաստանի Հանրապետության դրամ` 1.0 (մեկ) քառակուսի մետրի դիմաց, ընդամենը` 64980 (վաթսունչորս հազար ինը հարյուր ութսուն) Հայաստանի Հանրապետության դրամ:
3. Սույն որոշումն ուժի մեջ է մտնում քաղաքացի Վահրամ Արշակի Աղաբաբյանին պատշաճ կարգով իրազեկելու օրվան հաջորդող օրվանից: