Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին կետով, 34-րդ հոդվածի 1-ին և 2-րդ մասերով՝ Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի համայնքի ավագանու 2013 թվականի նոյեմբերի 12-ի «Հայաստանի Հանրապետության Շիրակի մարզի Գյումրի համայնքի սեփականությունը հանդիսացող Գյումրու Պարույր Սևակի փողոց 8 շենք, 1/1 հասցեում գտնվող 352,1 (երեք հարյուր հիսուներկու ամբողջ մեկ տասնորդական) քառակուսի մետր տարածքը անհատույց օգտագործման իրավունքով Հայաստանի Հանրապետության ոստիկանության պետական պահպանության գլխավոր վարչության Շիրակի մարզային ստորաբաժանմանը տրամադրելու մասին» N 107-Ա որոշման մեջ կատարել հետևյալ փոփոխությունը. 1) որոշման նախաբանում և որոշման մեջ «352,1 (երեք հարյուր հիսուներկու ամբողջ մեկ տասնորդական)» թիվն ու բառերը փոխարինել «262,3 (երկու հարյուր վաթսուներկու ամբողջ երեք տասնորդական)» թվով և բառերով:

2. Սույն որոշումը ուժի մեջ է մտնում հրապարակմանը հաջորդող օրվանից: