Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի դրույթներով, հաշվի առնելով «Առաքելություն Հայաստան» բարեգործական հասարակական կազմակերպության գրությունը (մուտքագրված թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի համայնքի սեփականություն հանդիսացող (հիմք՝ անշարժ գույքի նկատմամբ իրավունքների պետական գրանցման վկայական N 23072015-08-0012) Երևանյան խճուղի N 107/6 հասցեի 261,37 (երկու հարյուր վաթսունմեկ ամբողջ երեսունյոթ հարյուրերորդական) քառակուսի մետր մակերեսով անշարժ գույքը և դրա պահպանման ու սպասարկման համար զբաղեցված բնակավայրերի նպատակային նշանակության հասարակական կառուցապատման գործառնական նշանակության 0,20799 (զրո ամբողջ քսան հազար յոթ հարյուր ինսունինը հարյուրհազարերորդական) հեկտար մակերեսով հողամասը 10 (տասը) տարի ժամկետով անհատույց օգտագործման տրամադրել «Առաքելություն Հայաստան» բարեգործական հասարակական կազմակերպությանը տարատեսակ ծառայություններ (սոցիալ-հոգեբանական, իրավաբանական, հումանիտար աջակցության) մատուցելու նպատակով:

2. Սույն որոշումն ուժի մեջ է մտնում «Առաքելություն Հայաստան» բարեգործական հասարակական կազմակերպությանը պատշաճ իրազեկելու օրվան հաջորդող օրվանից: