Հայաստանի Հանրապետության Շիրակի մարզի Գյումրի քաղաքի Գ.Նժդեհի փողոցի №16/10 հասցեի 300.84 (երեք հարյուր ամբողջ ութսունչորս հարյուրերորդական) քառակուսի մետր մակերեսով հողամասը և բնակելի տունը սեփականության իրավունքով պատկանում է քաղաքացիներ Մանվել Զավենի Ուստյանին և Անահիտ Հենրիկի Ուստյանին (հիմք` անշարժ գույքի նկատմամբ իրավունքների պետական գրանցման N 31012014-08-0001 վկայական):
  Քաղաքացիներ Մանվել Զավենի Ուստյանը և Անահիտ Հենրիկի Ուստյանը դիմել են Հայաստանի Հանրապետության Շիրակի մարզի Գյումրի համայնքի ղեկավարին՝ Հայաստանի Հանրապետության Շիրակի մարզի Գյումրի համայնքին սեփականության իրավունքով պատկանող (հիմք` անշարժ գույքի նկատմամբ իրավունքների պետական գրանցման N 28032024-08-0029 վկայական) Պ.Պռոշյան փողոցի № 73/15 հասցեի 142.48 (մեկ հարյուր քառասուներկու ամբողջ քառասունութ հարյուրերորդական) քառակուսի մետր մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասն ուղղակի վաճառքի միջոցով իրենց օտարելու խնդրանքով:
  Նկատի ունենալով վերոգրյալը, համաձայն Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ, 4-րդ, 5-րդ և 6-րդ ենթակետերի դրույթների, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հողային օրենսգրքի 63-րդ հոդվածի 2-րդ մասի 2-րդ կետով, 66-րդ հոդվածի 1-ին մասի 8-րդ կետով և հիմք ընդունելով քաղաքացի Անահիտ Հենրիկի Ուստյանի դիմումը (մուտքագրված համայնքապետարանում 2024 թվականի մարտի 29-ին 5967 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Քաղաքացիներ Մանվել Զավենի Ուստյանին և Անահիտ Հենրիկի Ուստյանին ուղղակի վաճառքի միջոցով օտարել սեփականության իրավունքով իրենց պատկանող Հայաստանի Հանրապետության Շիրակի մարզի Գյումրի քաղաքի Գ. Նժդեհի փողոցի № 16/10 հասցեի 300.84 (երեք հարյուր ամբողջ ութսունչորս հարյուրերորդական) քառակուսի մետր մակերեսով հողամասին հարակից, Պ. Պռոշյան փողոցի №73/15 հասցեի համայնքի սեփականություն հանդիսացող, կառուցապատումից ազատ, բնակավայրերի նպատակային նշանակության բնակելի կառուցապատման գործառնական նշանակության 142.48 (մեկ հարյուր քառասուներկու ամբողջ քառասունութ հարյուրերորդական) քառակուսի մետր մակերեսով հողամասը՝ որպես բակ:
2.Օտարվող հողամասի ուղղակի վաճառքի գին սահմանել տվյալ հողամասի կադաստրային արժեքով, որը հողամասի օտարման պահին կազմում է 10514 (տասը հազար հինգ հարյուր տասնչորս) Հայաստանի Հանրապետության դրամ` 1.0 (մեկ) քառակուսի մետրի դիմաց, ընդամենը` 1498034 (մեկ միլիոն չորս հարյուր իննսունութ հազար երեսունչորս) Հայաստանի Հանրապետության դրամ:
3.Սույն որոշումն ուժի մեջ է մտնում քաղաքացի Անահիտ Հենրիկի Ուստյանին պատշաճ իրազեկելու օրվան հաջորդող օրվանից: