Նկատի ունենալով , որ Հայաստանի Հանրապետության Շիրակի մարզի Գյումրի համայնքի սեփականություն հանդիսացող թվով 24 ավտոմեքենաների մեծ մասը գտնվում է անսարք վիճակում, իսկ մնացածի հաճախակի խափանումների հետևանքով կատարվող կրկնակի վերանորոգումների արդյունքում մեքենաների հետագա շահագործումը ծախսատար է համայնքի համար, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հիմք ընդունելով 2025 թվականի  օգոստոսի 06-ի «Գյումրու կոմունալ ծառայություն» համայնքային բյուջետային հիմնարկի տնօրեն Արտյոմ Մկրտչյանի   թիվ 25/001-08 և Հայաստանի Հանրապետության Շիրակի մարզի Գյումրու համայնքապետարանի աշխատակազմի բնակկոմունալ և շրջակա միջավայրի պահպանության բաժնի պետի պարտականություները կատարող Անդրանիկ Չադրյանի թիվ Զ-1103-2025 զեկուցագրերը և Գյումրի համայնքի ղեկավարի առաջարկությունը համայնքի ավագանին որոշում է.

1.Հայաստանի Հանրապետության Շիրակի մարզի Գյումրի համայնքի սեփականություն հանդիսացող թվով 24 տրանսպորտային միջոցները օտարել աճուրդային եղանակով:
2.Սահմանել սույն որոշման 1-ին կետում նշված տրանսպորտային միջոցների մեկնարկային գները՝ հիմք ընդունելով «Ջի Կոնսալտ» սահմանափակ պատասխանատվությամբ ընկերության կողմից տրված Հայաստանի Հանրապետության Շիրակի մարզի Գյումրի համայնքին պատկանող թվով 24 (քսանչորս) տրանսպորտային միջոցների շուկայական արժեքների գնահատման 29.07.2025թ թիվ V038-2025-V048-2025 և V050-2025-V62-2025 հաշվետվությունները` համաձայն հավելվածի:

3.Սույն որոշումն ուժի մեջ է մտնում հրապարակմանը հաջորդող օրվանից: