Քաղաքացի Էդգար Հենրիկի Այվազյանը դիմել է Գյումրի համայնքի ղեկավարին ընդհանուր բաժնային սեփականության իրավունքով Էդգար Հենրիկի Այվազյանին (1/2 մաս) և Կալիպսե Արծվիկի Վաղարշյանին (1/2 մաս) պատկանող (հիմք` անշարժ գույքի նկատմամբ իրավունքների պետական գրանցման N 10082026-08-0030 վկայական) Հայաստանի Հանրապետության Շիրակի մարզի Գյումրի քաղաքի Մ. Թետչերի փողոցի № 1/6 հասցեի հողամասը փոխանակելու այլ համայնքապատկան հողամասի հետ, քանի որ նշված հողամասում հնարավոր չէ իրականացնել կառուցապատման աշխատանքներ։ Նկատի ունենալով տարածքի քաղաքաշինական իրավիճակը, կառուցապատման նախագծի պահանջները, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հողային օրենսգրքի 71-րդ հոդվածի 1-ին մասի 1-ին կետով և 3-րդ մասով, հիմք ընդունելով քաղաքացի Էդգար Հենրիկի Այվազյանի դիմումը (համայնքապետարանում մուտքագրված 2026 թվականի հունիսի 16-ին N 9182 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Տալ համաձայնություն Հայաստանի Հանրապետության Շիրակի մարզի Գյումրի համայնքին սեփականության իրավունքով պատկանող Գյումրի քաղաքի Մ. Թետչերի փողոցի № 1/5 հասցեի 89.98 (ութսունինն ամբողջ իննսունութ հարյուրերորդական) քառակուսի մետր մակերեսով հողամասը քաղաքացիներ Էդգար Հենրիկի Այվազյանին (1/2 մաս) և Կալիպսե Արծվիկի Վաղարշյանին (1/2 մաս) ընդհանուր բաժնային սեփականության իրավունքով պատկանող՝ Գյումրի քաղաքի Մ. Թետչերի փողոցի № 1/6 հասցեի 90.7 (իննսուն ամբողջ յոթ տասնորդական) քառակուսի մետր մակերեսով հողամասի հետ փոխանակության միջոցով օտարելուն։

2. Սույն որոշումն ուժի մեջ է մտնում քաղաքացի Էդգար Հենրիկի Այվազյանին պատշաճ կարգով իրազեկելու օրվան հաջորդող օրվանից: