Հայաստանի Հանրապետության Շիրակի մարզի Գյումրի քաղաքի Գորկու փողոց № 44 հասցեի 254.92 (երկու հարյուր հիսունչորս ամբողջ իննսուներկու հարյուրերորդական) քառակուսի մետր մակերեսով հողամասը և շինությունը սեփականության իրավունքով պատկանում է քաղաքացի Լաուրա Սերոբի Գրիգորյանին (հիմք` անշարժ գույքի նկատմամբ իրավունքների պետական գրանցման N 20012021-08-0006 համարի վկայական, տրված 20-ը հունվարի 2021 թվականի): Քաղաքացի Լաուրա Սերոբի Գրիգորյանը դիմել է Հայաստանի Հանրապետության Շիրակի մարզի Գյումրի համայնքի ղեկավարին՝ Հայաստանի Հանրապետության Շիրակի մարզի Գյումրի համայնքին սեփականության իրավունքով պատկանող (հիմք` անշարժ գույքի նկատմամբ իրավունքների պետական գրանցման N 30042024--08-0048 վկայական) Շիրազի փողոցի № 40/2 հասցեի 18.22 (տասնութ ամբողջ քսաներկու հարյուրերորդական) քառակուսի մետր մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասն ուղղակի վաճառքի միջոցով իրեն օտարելու խնդրանքով: Նկատի ունենալով վերոգրյալը, համաձայն Հայաստանի Հանրապետության կառավարության 2016 թվականի մայիսի 26-ի N550-Ն որոշման 1-ին կետի 3-րդ, 4-րդ, 5-րդ և 6-րդ ենթակետերի դրույթների, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հողային օրենսգրքի 63-րդ հոդվածի 2-րդ մասի 2-րդ կետով, 66-րդ հոդվածի 1-ին մասի 8-րդ կետով և հիմք ընդունելով քաղաքացի Լաուրա Սերոբի Գրիգորյանի դիմումը (մուտքագրված համայնքապետարանում 2023 թվականի օգոստոսի 24-ին № 17621 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Քաղաքացի Լաուրա Սերոբի Գրիգորյանին ուղղակի վաճառքի միջոցով օտարել սեփականության իրավունքով իրենց պատկանող Հայաստանի Հանրապետության Շիրակի մարզի Գյումրի քաղաքի Գորկու փողոց № 44 հասցեի 254.92 (երկու հարյուր հիսունչորս ամբողջ իննսուներկու հարյուրերորդական) քառակուսի մետր մակերեսով հողամասին հարակից, Շիրազի փողոցի № 40/2 հասցեի համայնքի սեփականություն հանդիսացող, կառուցապատումից ազատ, բնակավայրերի նպատակային նշանակության հասարակական կառուցապատման գործառնական նշանակության 18.22 (տասնութ ամբողջ քսաներկու հարյուրերորդական) քառակուսի մետր մակերեսով հողամասը՝ որպես բակ:
2. Օտարվող հողամասի ուղղակի վաճառքի գին սահմանել տվյալ հողամասի կադաստրային արժեքով, որը հողամասի օտարման պահին կազմում է 24889 (քսանչորս հազար ութ հարյուր ութսունինը) Հայաստանի Հանրապետության դրամ` 1.0 (մեկ) քառակուսի մետրի դիմաց, ընդամենը` 453477 (չորս հարյուր հիսուներեք հազար չորս հարյուր յոթանասունյոթ) Հայաստանի Հանրապետության դրամ:
3. Սույն որոշումն ուժի մեջ է մտնում քաղաքացի Լաուրա Սերոբի Գրիգորյանին պատշաճ իրազեկելու օրվան հաջորդող օրվանից: