Ղեկավարվելով «Նորմատիվ իրավական ակտերի մասին» օրենքի 36-րդ հոդվածի 1-ին մասի 1-ին կետով, 5-րդ մասով, 37-րդ հոդվածի 1-ին մասով, հաշվի առնելով Հայաստանի Հանրապետության կադաստրի կոմիտեի 2023 թվականի սեպտեմբերի 18-ի գույքի նկատմամբ իրավունքի (սահմանափակման) պետական գրանցման վարույթը կասեցնելու մասին N Կ-18092023-08-0131 որոշումը և հիմք ընդունելով քաղաքացի Գառնիկ Համլետի Գրիգորյանի դիմումը (մուտքագրված համայնքապետարանում 2024 թվականի հունիսի 06-ին N 9926 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Ուժը կորցրած ճանաչել Հայաստանի Հանրապետության Շիրակի մարզի Գյումրի համայնքի ավագանու 2023 թվականի հունիսի 28-ի «Հայաստանի Հանրապետության Շիրակի մարզի Գյումրի քաղաքի Շահումյան փողոցի N 117/1 հասցեի 19.9 քառակուսի մետր մակերեսով Հայաստանի Հանրապետության Շիրակի մարզի Գյումրի համայնքին սեփականության իրավունքով պատկանող հողամասն ուղղակի վաճառքի միջոցով օտարելու մասին» N 145-Ա որոշումը:
2. Սույն որոշումն ուժի մեջ է մտնում քաղաքացի Գառնիկ Համլետի Գրիգորյանին պատշաճ իրազեկելու օրվան հաջորդող օրվանից: