Նկատի ունենալով, որ ճանաչվել է Գյումրի համայնքի սեփականության իրավունքը քաղաքացի Հասմիկ Սերյոժայի Խաչատրյանի կողմից, Հաղթանակի պողոտա N 1/12 հասցեի համայնքային սեփականություն հանդիսացող հողամասի վրա ինքնակամ կառուցված շվաքարանի նկատմամբ (հիմք` անշարժ գույքի նկատմամբ իրավունքների պետական գրանցման N 29052015-08-0027 վկայական), հիմք ընդունելով Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման ու տնօրինման կարգը հաստատելու մասին» N 912-Ն որոշման 34.2-րդ և 35-րդ կետերի պահանջները և քաղաքաշինական ծրագրային փաստաթղթերի դրույթները, ղեկավարվելով Հայաստանի Հանրապետության կառավարության 2001 թվականի ապրիլի 12-ի N 286 որոշման 46.2 հոդվածի բ) կետով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հայաստանի Հանրապետության Շիրակի մարզի Գյումրի քաղաքի Հաղթանակի պողոտա N 1/12 հասցեում ինքնակամ կառուցված 40,94 (քառասուն ամբողջ իննսունչորս հարյուրերորդական) քառակուսի մետր մակերեսով շվաքարանը և նրա պահպանման ու սպասարկման համար զբաղեցրած 40,94 (քսաներկու ամբողջ յոթանասունմեկ հարյուրերորդական) քառակուսի մետր մակերեսով հողամասը 15 (տասնհինգ) տարի ժամկետով վարձակալության տրամադրել տվյալ շվաքարանը կառուցած քաղաքացի Հասմիկ Սերյոժայի Խաչատրյանին:
2. Սույն որոշման 1-ին կետում նշված շվաքարանի և հողամասի վարձակալության վարձավճարի չափ սահմանել` տարեկան 850000 (ութ հարյուր հիսուն հազար) Հայաստանի Հանրապետության դրամ: 3. Սույն որոշումն ուժի մեջ է մտնում քաղաքացի Հասմիկ Սերյոժայի Խաչատրյանին պատշաճ իրազեկելու օրվան հաջորդող օրվանից: |