2025 սեպտեմբերի 6-ից 18-ը Փարիզում՝ կանցկացվի միջազգային «Ֆեստիվալ Դեպառտդ ինսենդիես» թատերական փառատոնը,որի պաշտոնական հրավերն ստացել է Կատակոֆֆ թատերախումբը: Թատերախմբի երկու անդամներն են՝ Գյումրու պետական դրամատիկական թատրոնի դերասանուհի Սեդա Մկրտչյանն է և նույն կառույցի երիտասարդ բեմադրիչ Տաթևիկ Հակոբյանը:
Թատերական փառատոնին Գյումրեցի երկու դերասանուհիների մասնակցությունն ապահովելու հանգամանքով պայմանավորված և ղեկավարվելով «Տեղական ինքնակառավարման մասին» օրենքի 10-րդ հոդվածի 11-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Նորոշման 1-ին կետով հաստատված կարգի 4-րդ կետի 5-րդ ենթակետի «գ» պարբերությամբ, 10-րդ կետի դրույթներով և հիմք ընդունելով «Կատակօֆֆ» մշակութային հասարակական կազմակերպության (այսուհետ կազմակերպություն) նախագահ Գնուն Մարտիրոսյանի՝ Գյումրի համայնքի ղեկավարին ուղված դիմումները (համայնքապետարանում համապատասխանաբար մուտքագրված՝ 2025 թվականի օգոստոսի 06-ին և 07-ին NN 11102 և 11210 թվագրություններով)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Կազմակերպությանը որպես նվիրատվություն հատկացնել 300 000 (երեք հարյուր հազար) Հայաստանի Հանրապետության դրամ` միջազգային «Ֆեստիվալ Դեպառտդ ինսենդիես» թատերական փառատոնին Գյումրիի երիտասարդ դերասանների մասնակցության ապահովման համար:
2.Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Գյումրի համայնքի 2025 թվականի բյուջեի 8/4/2 գործառական դասակարգման (4819) «Նվիրատվություններ այլ շահույթ չհետապնդող կազմակերպություններին» տնտեսագիտական դասակարգման հոդվածից` օրենքով սահմանված կարգով:
3. Սույն որոշումն ուժի մեջ է մտնում կազմակերպության նախագահին պատշաճ իրազեկելու օրվան հաջորդող օրվանից: |