Զեկ. ՎԱՐԴԱՆ ՂՈՒԿԱՍՅԱՆ

  Հայաստանի Հանրապետության Շիրակի մարզի Գյումրի համայնքի սեփականություն հանդիսացող (հիմք՝ անշարժ գույքի նկատմամբ պետական իրավունքների գրանցման վկայական՝ N 08062018-08-0004) Գյումրի քաղաքի Գործարանային 2/6 հանրակացարանի շենքի վերակառուցման պատճառով ծագած խնդրի հրատապությամբ պայմանավորված, անհրաժեշտություն է առաջացել հանրակացարանում (այսուհետ՝ Հանրակացարան) բնակվող 9 (ինը) ընտանիքներին ժամանակավոր տեղափոխել ալյ բնակության վայր՝ մինչև Գործարանային 2/6 հանրակացարանի շենքի վերակառուցման աշխատանքների ավարտը:
  Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հանրակացարանում բնակվող 9 (ինը) ընտանիքներին՝ համաձայն հավելվածի, առաջարկել վարձակալական հիմունքներով տեղափոխվել Գյումրի քաղաքի վարչական տարածքում գտնվող այլ բնակարաններ՝ մինչև Հանրակացարանի վերակառուցման աշխատանքների ավարտը: 2. Թույլատրել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ կատարել սույն որոշման 1-ին կետում նշված վարձակալության վճարների հատկացումները՝ Հայաստանի Հանրապետության Շիրակի մարզի Գյումրի համայնքի բյուջեից:
3. Սույն որոշումն ուժի մեջ է մտնում Հանրակացարանում բնակվող 9 ընտանիքներին պատշաճ կարգով իրազեկելու օրվան հաջորդող օրվանից: