Հայաստանի Հանրապետության Շիրակի մարզի Գյումրի համայնքի թվով 5 (հինգ)՝ «Արձագանք-մսուր մանկապարտեզ», «Էյլիթիա-մսուր մանկապարտեզ», «Անի պարտեզ մանկապարտեզ», «Հենզել և Գրետել մսուր մանկապարտեզ», «Կարմիր գլխարկ մանկապարտեզ» համայնքային ոչ առևտրային կազմակերպությունների (այսուհետ կազմակեպություններ) շենք շինությունները ունեն վերանորոգման կարիք: Հաշվի առնելով վերոգրյալը, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին կետի 42-րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Ն որոշման 1-ին կետով հաստատված կարգի 3-րդ կետով և հիմք ընդունելով Գյումրի համայնքի ղեկավարին փոխարինողին ուղղված Հայաստանի Հանրապետության Շիրակի մարզի Գյումրի համայնքի ավագանու «Մեր քաղաքը» խմբակցության ղեկավար Լ.Գասպարյանի գրությունը` (Գյումրու համայնքապետարանում մուտքագրված 2025 թվականի դեկտեմբերի 17-ին N 19459 թվագրմամբ) և Հայաստանի Հանրապետության Շիրակի մարզի Գյումրու համայնքապետարանի աշխատակազմի կրթության բաժնի պետ Շողիկ Ալեքսանյանի դեկտեմբերի 19-ի զեկուցագիրը՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Կազմակերպությունների շենք շինությունների վերանորոգման համար, հատկացնել 15 000 000 (տասնհինգ միլիոն) Հայաստանի Հանրապետության դրամ:
2. Գնումների մասին Հայաստանի Հանրապետության օրենքի հիման վրա կազմակերպել վերանորոգման աշխատանքների գնման ընթացակարգը :
3. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2025 թվականի բյուջեի 6/6/1 գործառական դասակարգման (5113) «Շենքերի և շինությունների կապիտալ նորոգում » տնտեսագիտական դասակարգման հոդվածից՝ 15 000 000 (տասնհինգ միլիոն) Հայաստանի Հանրապետության դրամ՝ օրենքով սահմանված կարգով:
4. Սույն որոշումն ուժի մեջ է մտնում հրապարակմանը հաջորդող օրվանից: |