Հայաստանի Հանրապետության Շիրակի մարզի Գյումրի քաղաքի Ախուրյանի խճուղի N2/1 հասցեի ավտոտնակը սեփականության իրավունքով պատկանում է քաղաքացի Գուրգեն Խաչատրյանին, որի զբաղեցրած հողամասը տրամադրված է եղել վարձակալությամբ (հիմք՝ անշարժ գույքի սեփականության իրավունքի գրանցման վկայական N1137931):
Քաղաքացի Գուրգեն Խաչատրյանը դիմել է Գյումրի համայնքի ղեկավարին՝ նշված ավտոտնակի պահպանման և սպասարկման համար փաստացի առկա 30.79(երեսուն ամբողջ յոթանասունինը հարյուրերորդական) քառակուսի մետր մակերեսով հողամասը ուղղակի վաճառքի միջոցով օտարելու խնդրանքով: Նկատի ունենալով վերոհիշյալը, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հողային օրենսգրքի 66-րդ հոդվածի 1-ին մասի 1-ին կետով, 62-րդ հոդվածի 3-րդ մասով, 63-րդ հոդվածի 2-րդ կետով, հաշվի առնելով որ հողամասը չի գտնվում Հողային օրենսգրքի 60-րդ հոդվածով սահմանված հողամասերի ցանկում, հիմք ընդունելով քաղաքացի Գուրգեն Խաչատրյանի դիմումը`(մուտքագրված համայնքապետարանում 2023 թվականին N1369 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Քաղաքացի Գուրգեն Խաչատրյանին ուղղակի վաճառքի միջոցով օտարել սեփականություն իրավունքով իրեն պատկանող Հայաստանի Հանրապետության Շիրակի մարզի Գյումրի քաղաքի Ախուրյանի խճուղի N2/1 հասցեի ավտոտնակի պահպանման և սպասարկման համար փաստացի առկա 30.79(երեսուն ամբողջ յոթանասունինը հարյուրերորդական) քառակուսի մետր մակերեսով համայնքապատկան հողամասը:
2.Հողամասի ուղղակի վաճառքի գին սահմանել տվյալ հողամասի կադաստրային գնի չափով որը կազմում է 6834 (վեց հազար ութ հարյուր երեսունչորս) Հայաստանի Հանրապետության դրամ 1.0 (մեկ) քառակուսի մետրի դիմաց, ընդամենը` 210419(երկու հարյուր տասը հազար չորս հարյուր տասնինը) Հայաստանի Հանրապետության դրամ:
3.Սույն որոշումը ուժի մեջ է մտնում քաղաքացի Գուրգեն Խաչատրյանին պատշաճ կարգով իրազեկման օրվան հաջորդող օրվանից: |