Հայաստանի Հանրապետության Շիրակի մարզի Գյումրի քաղաքի Պռոշյան և Գ.Նժդեհ փողոցների խաչմերուկում Կարո Սասունու արձանի տեղադրման շինարարական աշխատանքների ընթացքում տեղի է ունեցել շինարարական աշխատանքների ծավալների համադրում, որի արդյունքում տեղի է ունեցել աշխատանքի ծավալների փոփոխում: Հաշվի առնելով աշխատանքները ավարտին հասցնելու անհրաժեշտությունը և ղեկավարվելով «Տեղական ինքնակառավարման մասին» օրենքի 10-րդ հոդվածի 10-րդ մասով, 18-րդ հոդվածի 1-ին կետի 42 –րդ մասով, Հայաստանի Հանրապետության Շիրակի մարզի Գյումրի համայնքի ավագանու 2017 թվականի նոյեմբերի 06-ի N 119-Ն որոշման 1-ին կետով հաստատված կարգի 3-րդ կետով, 4-րդ կետի 2-րդ ենթակետի «ժ» պարբերությամբ և հիմք ընդունելով Հայաստանի Հանրապետության Շիրակի մարզի Գյումրու համայնքապետարանի աշխատակազմի քաղաքաշինության և հողօգտագործման բաժնի պետի ժ/պ Կարեն Մխիթարյանի զեկուցագիրը՝ ուղղված Հայաստանի Հանրապետության Շիրակի մարզի Գյումրի համայնքի ղեկավարին Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Գյումրի քաղաքի Պռոշյան և Գ.Նժդեհ փողոցների խաչմերուկում Կարո Սասունու արձանի տեղադրման շինարարական աշխատանքներն ավարտին հասցնելու նպատակով հատկացնել 980 000 (ինը հարյուր ութսուն հազար) Հայաստանի Հանրապետության դրամ:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2026 թվականի բյուջեի 8/2/7 գործառական դասակարգման (5112) « Շենքերի և շինությունների շինարարություն» տնտեսագիտական դասակարգման հոդվածից՝ օրենքով սահմանված կարգով:
3.Սույն որոշումն ուժի մեջ է մտնում հրապարակմանը հաջորդող օրվանից: |