Մորիս Հայկի Սարգսյանը դիմել է Գյումրի համայնքի ղեկավարին փոխարինողին՝ իրեն սեփականության իրավունքով պատկանող «ՄԵՐՍԵԴԵՍ-ԲԵՆԶ ՍԻԷԼՔԵՅ 320» (MERCEDES-BENZ CLK 320) մակնիշի, 22 VO 101 հաշվառման համարանիշով տրանսպորտային միջոցի (այսուհետ՝ տրանսպորտային միջոց) գույքահարկի 2019 թվականի մարտ ամսից մինչև 2026 թվականի հունիս ամիսը ներառյալ ընկած ժամանակաշրջանի մայր գումարների և տույժերի վճարումների նկատմամբ արտոնություն սահմանելու խնդրանքով:
Մորիս Հայկի Սարգսյանը 2019 թվականի հունվար ամսին իրեն անհայտ պայմաններում կորցրել է սեփականության իրավունքով իրեն պատկանող տրանսպորտային միջոցի 22 VO 101 հերթական համարանիշերը և տեխնիկական անձնագիրը, որոնք ձեռնարկված միջոցառումների արդյունքում չեն հայտնաբերվել: Տրանսպորտային միջոցը չի շահագործվել 2019 թվականի փետրվարի 27-ից, այն գոյություն չունի և ենթակա է հաշվառումից հանման /հիմք՝ N 55/16-1152 տեղեկանքը, տրված 2019 թվականի փետրվարի 01-ին՝ Հայաստանի Հանրապետության ոստիկանության Գեղարքունիքի մարզային վարչության Սևանի բաժնի պետ, ոստիկանության գնդապետ Ջանիկյանի կողմից/: Մորիս Հայկի Սարգսյանը պարտավորվել է վճարել մինչև 2019 թվականի փետրվար ամիսը ներառյալ ընկած ժամանակաշրջանում առաջացած գույքահարկի պարտավորության գումարը:
Նկատի ունենալով վերոգրյալը, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հարկային օրենսգրքի 245-րդ հոդվածի 2-րդ մասի, Հայաստանի Հանրապետության կառավարության 2012 թվականի հունիսի 22-ի N 822-Ն որոշմամբ հաստատված կարգի 3-րդ կետի 2-րդ ենթակետի, 8-րդ, 9-րդ կետերի դրույթներով և հիմք ընդունելով Մորիս Հայկի Սարգսյանի (հաշվառված՝ Գեղարքունիքի մարզ, գյուղ Ծովագյուղ, 1-ին թաղամաս, 3-րդ շենք, բնակարան 19 հասցեում, անձնագիր AT0438648, տրված՝ 2020 թվականի մայիսի 19-ին, ոստիկանության 050-ի կողմից, հանրային ծառայությունների համարանիշ 2914930163) դիմումը (համանքապետարանում մուտքագրված 2026թվականի մայիսի 19-ին N 7285 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Սահմանել արտոնություն Մորիս Հայկի Սարգսյանին սեփականության իրավունքով պատկանող տրանսպորտային միջոցի գույքահարկի 2019 թվականի մարտ ամսից մինչև 2026 թվականի հունիս ամիսը ներառյալ ընկած ժամանակաշրջանի մայր գումարների և տույժերի վճարումների նկատմամբ՝ ազատելով գույքահարկի ընդամենը 536.800 (հինգ հարյուր երեսունվեց հազար ութ հարյուր) Հայաստանի Հանրապետության դրամ գումարի վճարումից, որից մայր գումարը 2019 թվականի մարտ ամսից մինչև 2020 թվականի դեկտեմբեր ամիսը ներառյալ ընկած ժամանակաշրջանի համար կազմում է 122.283 (մեկ հարյուր քսաներկու հազար երկու հարյուր ութսուներեք) Հայաստանի Հանրապետության դրամ, տույժը՝ 38.405 (երեսունութ հազար չորս հարյուր հինգ)ՀՀ դրամ, 2021 թվականի հունվար ամսից մինչև 2026 թվականի հունիս ամիսը ներառյալ ընկած ժամանակաշրջանի համար մայր գումարը կազմում է 282.368 (երկու հարյուր ութսուներկու հազար երեք հարյուր վաթսունութ) Հայաստանի Հանրապետության դրամ, տույժը՝ 93.744 (իննսուներեք հազար յոթ հարյուր քառասունչորս) Հայաստանի Հանրապետության դրամ, ընդամենը մայր գումարը կազմում է 404.651 (չորս հարյուր չորս հազար վեց հարյուր հիսունմեկ) Հայաստանի Հանրապետության դրամ, իսկ տույժը՝ 132.149 (մեկ հարյուր երեսուներկու հազար հարյուր քառասունինը) Հայաստանի Հանրապետության դրամ։
2. Սույն որոշումն ուժի մեջ է մտնում Մորիս Հայկի Սարգսյանին պատշաճ իրազեկելու օրվան հաջորդող օրվանից: |