Գյումրի համայնքի ղեկավարին փոխարինողին է դիմել Հայաստանի Հանրապետության Շիրակի մարզպետի տեղակալ Արտուշ Հովհաննիսյանը՝ «Գյումրու թիվ 1 պոլիկլինիկա» փակ բաժնետիրական ընկերությանը (այսուհետ՝ կազմակերպություն) (հարկ վճարողի հաշվառման համարը՝ 05502958, գրանցման հասցեն՝ քաղաք Գյումրի, Շիրակացի փողոց 201) 2010 թվականի հուլիսի 19-ին անշարժ գույքի վարձակալության պայմանագրով (այսուհետ՝ պայմանագիր) Գյումրի համայնքի սեփականությունը հանդիսացող քաղաք Գյումրի Շիրակացի փողոց թիվ 201 հասցեում գտնվող շենքի վարձակալության վճարի 2026 թվականի հոկտեմբերի 14-ի դրությամբ առկա տույժերի և 2022 թվականի մարտի 10-ից մինչև 2026 թվականի հոկտեմբերի 14-ը ներառյալ ընկած ժամանակաշրջանի մայր գումարների վճարումների նկատմամբ արտոնություն սահմանելու խնդրանքով, հաշվի առնելով Հայաստանի Հանրապետության Շիրակի մարզպետին կազմակերպության տնօրեն Խաչիկ Գալստյանի կողմից 2026 թվականի հոկտեմբերի 05-ին հասցեագրված թիվ 91 գրությունը (հիմք՝ կազմակերպության թիվ 91 գրությունը):
Գյումրի համայնքի ավագանին 2022 թվականի մարտի 10-ին ընդունել էր N 37-Ա որոշումը՝ (հիմք՝ Հայաստանի Հանրապետության Շիրակի մարզի Գյումրի համայնքի ավագանու 2022 թվականի մարտի 10-ի N 37-Ա որոշումը) Հայաստանի Հանրապետության Շիրակի մարզի Գյումրի համայնքի սեփականությունը հանդիսացող Շիրակացի 201 հասցեում գտնվող շենքը անհատույց օգտագործման իրավունքով Հայաստանի Հանրապետության Շիրակի մարզպետարանի ենթակայության տակ գտնվող «Գյումրու թիվ 1 պոլիկլինիկա» փակ բաժնետիրական ընկերությանը տրամադրելու վերաբերյալ: Կազմակերպությունը հիմք ընդունելով նշված որոշումը՝ չի կատարել վարձավճարների վճարումները և պատրաստակամություն է հայտնել վճարելու 2022 թվականի մարտի 10-ի դրությամբ առկա գույքի վարձակալության վճարի մայր գումարը, որը կազմում է 1.111.689 (մեկ միլիոն հարյուր տասնմեկ հազար վեց հարյուր ութսունինը) Հայաստանի Հանրապետության դրամ, քանի որ սպասարկում է համայնքի շուրջ 14200 (տասնչորս հազար երկու հարյուր) բնակչի և չունի բավարար ֆինանսական միջոցներ կուտակված վարձավճարի վճարման համար:
Նկատի ունենալով վերոգրյալը, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով և հիմք ընդունելով Հայաստանի Հանրապետության Շիրակի մարզի Գյումրի համայնքի ավագանու 2022 թվականի մարտի 10-ի N 37-Ա որոշումը, Հայաստանի Հանրապետության Շիրակի մարզպետի տեղակալի և կազմակերպության տնօրենի գրությունները (համանքապետարանում մուտքագրված 2026 թվականի հոկտեմբերի 06-ին N 17858 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1.Սահմանել արտոնություն «Գյումրու թիվ 1 պոլիկլինիկա» փակ բաժնետիրական ընկերությանը վարձակալությամբ տրամադրված գույքի վարձակալության 2026 թվականի հոկտեմբերի 14-ի դրությամբ առկա տույժերի 2.192.619 (երկու միլիոն հարյուր իննսուներկու հազար վեց հարյուր տասնինը) Հայաստանի Հանրապետության դրամ և 2022 թվականի մարտի 10-ից մինչև 2026 թվականի հոկտեմբերի 14-ը ներառյալ ընկած ժամանակաշրջանի մայր գումարների 1.839.726 (մեկ միլիոն ութ հարյուր երեսունինը հազար յոթ հարյուր քսանվեց) Հայաստանի Հանրապետության դրամ գումարների վճարումների նկատմամբ:
2.Սույն որոշումն ուժի մեջ է մտնում կազմակերպության տնօրեն Խաչիկ Գալստյանին պատշաճ իրազեկելու օրվան հաջորդող օրվանից: |