Զեկ. ՀՈՎԻԿ ՂԱԶԱՐՅԱՆ

Գյումրի քաղաքի Խանջյան փողոց N 9 հասցեի ավտոգազալցման ճնշումային կայանի զբաղեցրած հողամասը աճուրդային կարգով օտարվել է Էլիտ Արման Շին սահմանափակ պատասխանատվությամբ ընկերությանը սեփականության իրավունքով (հիմք` ըստ անշարժ գույքի նկատմամբ իրավունքների պետական գրանցման N 16122013-08-0065 վկայական):Ներկայացվել է նոր չափագրություն ըստ որի նախկին վկայականում եղած և ներկա չափագրությունով ներկայացված հողամասի կողմնային չափերը նույնն են, սակայն նախկին վկայականում հողամասի մակերեսը թվաբանական սխալի պատճառով սխալ է հաշվարկվել, որի պատճառով առաջացել է 174.24(մեկ հարյուր յոթանասունչորս ամբողջ քսանչորս հարյուրերորդական) քառակուսի մետր մակերոսով տարբերություն ։ Էլիտ Արման Շին սահմանափակ պատասխանատվությամբ ընկերության տնօրեն Արտյոմ Զարգարյանը դիմել է Գյումրի համայնքի ղեկավարին՝ Խանջյան փողոց № 9 հասցեի նշված ավտոգազալցման ճնշումային կայանի տարածքում թվաբանական սխալի պատճառով առաջացած ավել օգտագործվող 174.24(մեկ հարյուր յոթանասունչորս ամբողջ քսանչորս հարյուրերորդական) քառակուսի մետր մակերեսով հողամասը իրեն օտարելու խնդրանքով : Նկատի ունենալով վերոգրյալը, հաշվի առնելով, որ հողամասը չի գտնվում հողային օրենսգրքի 60-րդ հոդվածով սահմանված հողամասերի վրա, ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում հարկադիր սերվիտուտ, ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով ղեկավարվելով Հողային օրենսգրքի 66-րդ հոդվածի 4-րդ կետով, 72 հոդվածի 2-րդ կետով, հիմք ընդունելով չափագրողի որակավորում ունեցող անձի կողմից տրամադրված ճշգրտված չափագրությունը և եզրակացությունը, հաշվի առնելով Էլիտ Արման Շին սահմանափակ պատասխանատվությամբ ընկերության տնօրեն Արտյոմ Զարգարյանի դիմումը` (մուտքագրված համայնքապետարանում 2024 թվականի դեկտեմբերի 19-ին N 19850 թվագրմամբ)` Հայաստանի Հանրապետության Շիրակի մարզի Գյումրի համայնքի ավագանին որոշում է.

1.Էլիտ Արման Շին սահմանափակ պատասխանատվությամբ ընկերությանը սեփականության իրավունքով պատկանող Գյումրի քաղաքի Խանջյան փողոց N 9 հասցեի ավտոգազալցման ճնշումային կայանի հողամասում նախկին չափագրության մեջ տեղ գտած թվաբանական սխալի պատճառով առաջացած 174.24(մեկ հարյուր յոթանասունչորս ամբողջ քսանչորս հարյուրերորդական) քառակուսի մետր մակերեսով հողամասը օտարել ուղղակի վաճառքի միջոցով :

2. Հողամասի ուղղակի վաճառքի գին սահմանել տվյալ հողամասի կադաստրային գնի չափով, որը հողամասի օտարման պահին կազմում է 4442(չորս հազար չորս հարյուր քառասուներկու) Հայաստանի Հանրապետության դրամ՝ 1.0 քառակուսի մետր քառակուսի մետրի դիմաց, ընդհամենը՝ 773974(յոթ հարյուր յոթանասուներեք հազար ինը հարյուր յոթանասունչորս) Հայաստանի Հանրապետության դրամ։

3.Սահմանված կարգով կնքել հողամասի առքուվաճառքի պայմանագիր (պատասխանատու քաղաքաշինության և հողօգտագործման բաժին):

4.Գույքի նկատմամբ իրավունքի պետական գրանցման և պայմանագրի նոտարական վավերացման ծախսերը կատարել Էլիտ Արման Շին սահմանափակ պատասխանատվությամբ ընկերության տնօրեն Արտյոմ Զարգարյանի միջոցների հաշվին:

5. Սույն որոշումն ուժի մեջ է մտնում հրապարակմանը հաջորդող օրվանից: