Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, Հայաստանի Հանրապետության կառավարության 2014 թվականի նոյեմբերի 19-ի N 1325-Ն որոշման 1-ին կետով հաստատված հավելվածի 28-րդ կետով, հիմք ընդունելով «ԱՐՄԷԿՈՏԵԿ» սահմանափակ պատասխանատվությամբ ընկերության (այսուհետ՝ ընկերություն) նախաձեռնությամբ Հայաստանի Հանրապետության Շիրակի մարզի Գյումրու համայնքապետարանում 2024 թվականի հունիսի 05-ին կայացած Հայաստանի Հանրապետության Շիրակի մարզի Գյումրի համայնքի Բուլվարային թաղամասի և աղբավայրի միջև ընկած հատվածում կենցաղային թափոնների վերամշակման գործարանի կառուցման վերաբերյալ հանրային բաց լսման և քննարկման արձանագրությունը և հաշվի առնելով «Ներդրումների աջակցման կենտրոն» հիմնադրամի տնօրեն Լևոն Օհանեսյանի և ընկերության տնօրեն Միխաիլ Բադինի գրությունները (մուտքագրված համայնքապետարանում 2024 թվականի մարտի 03-ին N 4311 և ապրիլի 22-ի N 7218 թվագրումներով)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Տալ նախնական համաձայնություն ընկերությանը Գյումրի համայնքի Բուլվարային թաղամասի և աղբավայրի միջև ընկած հատվածում կենցաղային թափոնների վերամշակման գործարանի կառուցման համար:
2. Սույն որոշումն ուժի մեջ է մտնում «Ներդրումների աջակցման կենտրոն» հիմնադրամի և ընկերության տնօրեններին պատշաճ իրազեկելու օրվան հաջորդող օրվանից: |