Ղեկավարվելով «Տեղական ինքնակառավարման մասին» օրենքի 36-րդ հոդվածի 1-ին մասի 5-րդ կետով, 18-րդ հոդվածի 42-րդ կետով, Ընտրական օրենսգրքի 36-րդ հոդվածի 6-րդ կետով և հիմք ընդունելով Գյումրի քաղաքի թիվ 32 ընտրատարածքային հանձնաժողովի (այսուհետ՝ հանձնաժողով) նախագահ՝ Ն.Մարգարյանի գրությունը (համայնքապետարանում մուտքագրված 2026 թվականի փետրվարի 19-ին N2287 թվագրմամբ)՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հայաստանի Հանրապետության Ազգային ժողովի հերթական ընտրությունների կազմակերպման և անցկացման նպատակով բնականոն աշխատանքային գործունեությունն ապահովելու համար Հայաստանի Հանրապետության  թիվ 32 ընտրատարածքային ընտրական հանձնաժողովին որպես նվիրատվություն՝ գույք հանձնելու նպատակով թույլատրել ձեռք բերել գույք 600 000 (վեց հարյուր հազար) Հայաստանի Հանրապետության դրամ արժողությամբ:
2. Հանձնարարել Հայաստանի Հանրապետության Շիրակի մարզի Գյումրու համայնքապետարանի աշխատակազմի ֆինանսատնտեսագիտական բաժնի պետ-գլխավոր ֆինանսիստին՝ սույն որոշման 1-ին կետում նշված գումարի հատկացումը կատարել Հայաստանի Հանրապետության Շիրակի մարզի Գյումրի համայնքի 2026 թվականի բյուջեի 1/1/1 գործառական դասակարգման (4237) «Ներկայացուցչական ծախսեր» տնտեսագիտական դասակարգման հոդվածից` օրենքով սահմանված կարգով:
3. Սույն որոշումն ուժի մեջ է մտնում հրապարակմանը հաջորդող օրվանից: