Զեկ. ԽԱՉԱՏՈՒՐ ՍՈՒԼԹԱՆՅԱՆ

Ղեկավարվելով Տեղական ինքնակառավարման մասին օրենքի 18-րդ հոդվածի 1-ին մասի 22-րդ կետով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 4-րդ, 5-րդ կետերով, 6-րդ կետի 1-ին, 2-րդ, 3-րդ, 4-րդ ենթակետերով, 16-րդ կետի 3-րդ ենթակետով և նկատի ունենալով հայազգի մեծանուն գրողներ՝ Րաֆֆու (Հակոբ Մելիք-Հակոբյան), Հրաչյա Քոչարի (Հրաչյա Քոչարի Գաբրիելյան), լեզվաբան՝ Մանուկ Աբեղյանի, պատմիչներ՝ Ագաթանգեղոսի, Լեոյի (Առաքել Գրիգորի Բաբախանյան), գյուտարար՝ Հովհաննես Ադամյանի, շախմատիստ՝ Տիգրան Պետրոսյանի, ծովակալ` Իսակովի, մարշալ` Բաբաջանյանի, նկարիչ՝ Մարտիրոս Սարյանի, կինոռեժիսոր՝ Հենրիկ Մալյանի, դերասան՝ Վահրամ Փափազյանի, ազատամարտիկ՝ Գևորգ Չաուշի, թագավորական տոհմերի՝ Երվանդունիների, Արշակունյաց, Ռուբինյանց, հայոց արքա՝ Աշոտ Երկաթի ավանդը` գրականության, մշակույթի, գիտության ոլորտում, հայրենիքի պաշտպանության և ազգային արժեքների պահպահման գործում՝ Գյումրի համայնքի ավագանին որոշում է.

1. Հայաստանի Հանրապետության Շիրակի մարզի Գյումրի քաղաքի ներբնակավայրային աշխարհագրական օբյեկտների անվանակոչումներ և անվանումները կանոնավորելու նպատակով անվանափոխումներ կատարել համաձայն հավելված 1-ի, հավելված 2-ի, հավելված 3-ի և հավելված 4-ի։

2. Հանձնարարել Գյումրու համայնքապետարանի աշխատակազմի (այսուհետ՝ աշխատակազմ) քաղաքաշինության և հողօգտագործման բաժնին՝

1) իրականացնել անհրաժեշտ գործողություններ կապված անվանակոչումների և անվանափոխումնեի հետ այդ թվում նաև անվանատախտակների նախագծման, պատրաստման և տեղադրման աշխատանքները,

2) սույն որոշումը օրենքով սահմանված կարգով ընդունելուց հետո 3 աշխատանքային օրվա ընթացքում ներկայացնել աշխարհագրական անվանումների ռեգիստր վարող պետական լիազոր մարմնին՝ անվանակոչման և անվանափոխման պետական գրանցում իրականացնելու համար,

3) անվանակոչումների և անվանափոխումնեի վերաբերյալ տեղեկություններ տրամադրել Հայաստանի Հանրապետության Ոստիկանության Շիրակի մարզային վարչության «Կումայրի» և «Մուշ» բաժիններին, Հայաստանի Հանրապետության Ոստիկանության անձնագրային և վիզաների վարչության «Կումայրի» և «Մուշ» անձնագրային բաժանմունքներին:

3. Հանձնարարել Գյումրու համայնքապետարանի աշխատակազմի ֆինանսատնտեսագիտական բաժնին՝ ապահովելու անվանատախտակների նախագծման, պատրաստման և տեղադրման համար անհրաժեշտ վճարումը՝ համաձայն ներկայացվող ակտերի:

4. Սույն որոշումը ուժի մեջ է մտնում հրապարակմանը հաջորդող օրվանից: