Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշմամբ 1-ին կետով սահմանված կարգի 4-րդ բաժնի 34.2-րդ, 35-րդ կետերի, նկատի ունենալով, որ հավելվածում նշված շինությունները և հողամասերը որպես առանձին գույքային միավոր հնարավոր չեն տրամադրել մրցույթով, հիմք ընդունելով սույն որոշման հավելվածներում նշված դիմումատուների կողմից Հայաստանի Հանրապետության Շիրակի մարզի Գյումրի համայնքի ղեկավարին ուղղված դիմումները` Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Քաղաքացիներին և իրավաբանական անձանց սեփականության իրավունքով պատկանող շինություններին հարակից, բնակավայրերի նպատակային նշանակության ընդհանուր օգտագործման գործառնական նշանակության հողամասերում Հայաստանի Հանրապետության Շիրակի մարզի Գյումրի համայնքի սեփականություն հանդիսացող, շինությունները և դրանց պահպանման և սպասարկման համար զբաղեցրած հողամասերը ուղղակի վարձակալության տրամադրել տվյալ շինությունները կառուցած քաղաքացիներին և սահմանել վարձավճարի չափ՝ համաձայն N 1 հավելվածի:
2. Սույն որոշումն ուժի մեջ է մտնում հրապարակմանը հաջորդող օրվանից: |