Ղեկավարելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» oրենքի 7-րդ հոդվածի 8-րդ մասով, հիմք ընդունելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 1-ին կետով հաստատված կարգի 33-րդ, 34-րդ և 35-րդ կետերի պահանջները և քաղաքացիներ Կարինե Հարությունյանի 31․10․2023թ․ N23510, Ազատ Բաղդասարյանի 07․11․2023թ․ N23992, Մերի Եղոյանի 20․11․2023թ N24926, Էլիզա Թորոսյանի լիազորված անձ՝ Կարլեն Թորոսյանի 04․03․2020թ․ N3342, Մարիամ Հարոյանի 28․09․2023թ․ N20532, Ագնեսա Խաչատրյանի 08․0․2012թ․ N3777, Սերգեյ Գալստյանի 24․08․2015 N 10388 և 01․06․2023 N10799 թվագրումներով դիմումները՝ Հայաստանի Հանրապետության Շիրակի մարզի Գյումրի համայնքի ավագանին որոշում է.
1. Հայաստանի Հանրապետության Շիրակի մարզի Գյումրի քաղաքի վարչական տարածքում ինքնակամ կառուցված և դրանց նկատմամբ համայնքի սեփականության իրավունքը գրանցված շենք-շինությունները և դրանց պահպանման ու սպասարկման համար զբաղեցրած հողամասերը ուղղակի վաճառքի միջոցով օտարել տվյալ շինությունները կառուցողներին՝ համաձայն հավելվածի:
2. Սույն որոշումն ուժի մեջ է մտնում նախաբանում նշված դիմումատուներին պատշաճ կերպով իրազեկելու օրվան հաջորդող օրվանից: